elva

Finnst eins og ég hafi endurheimt líf mitt þegar það er ekkert svona "hangandi" yfir mér.. eitthvað sem ég þarf að klára fyrir ákveðinn tíma og svo framvegis.. djöfull er það góð tilfinning! Líður rosalega vel þessa daganna:)

Keypti mér bók um daginn.. eða fæ hana ða vísu í afmælisgjöf frá ma og pa.. Grafísk Miðlun! Næstu kvöld verða tekin í það að lesa hana ogég hreinlega get ekki beðið...! Hún er geðveikt flott og yndisleg.

Það sem er efst á óskalistanum í afmælisgjöf er ostaskeri og kökukefli... kannski ekkert vel liðið að vera alltaf með hvítvínsflösku eða bjórflösku til að fletja út deigið í öllum þessum bakstri alltaf hreint..

Jæja.. best að snúa sér aftur að ritgerðasmíð um iconography.. fokk hvað þetta er leiðinlegt 

Hélt fyrirlestur í skólanum í dag með stelpunum um iconography, eða táknfræði eða inntakshyggju.. þetta var smá súr enskan á köflum og vangefið að þýða hana.. en tókst á endanum og náðum allavega í það minnsta að flytja hann í dag.. Mátti varla skeika um 10 mínútur hjá okkur, alveg að tapa okkur þarna í restina hehe... 

Fór í partý ársins um helgina til Aldísar afmælisbarn.. Jenný átti líka afmæli þ.annig að þarna voru slegnar tvær flugur í einu höggi. ógeðslega gaman> skellti inn nokkrum á myspaceið og facebookið fyrir ykkur sem langar að skoða! 

Jæja,. ætla að klæða strákinn og skella honum í útifötin!:) Snjóþotulabb til múttu í saltkjöt og baunir! Ekki leiðinlegt það

hafið það gott :)

Síðasta mánuðinn hef ég ekki farið fyrr að sofa en milli 2 og þrjú.. Sólahringurinn er kominn í fokk hjá mér og er eitthvað svo ósofin að það er ömurlegt. Dreymir um að sofa í 2 daga straight.. En það er ekki alveg að gerast. ömurlegt að vera alltaf hálf þreytt og ósofi, því jújú maður þarf að drattast eldsnemma á lappir, skutla stráknum í leikskólann og fara sjálf í skólann. Er að byrja í Multimedia áfanga á mánudaginn. Það verður gaman! 

Ég, sveitalingurinn sjálfur henti mér suður um daginn. Það var fínt, verslaði samt ekki neitt. Enda veit ég fátt leiðinlegra en að hanga í fatabúðum og skoða skoða skoða skoða og máta máta. Finnst miklu meira kósí að fara bara á kaffihúsið í staðinn og fá mér bjór og gott spjall á meðan vinkonurnar versla af sér rassgatið. Svoleiðis verður það aftur í skólaferðalaginu okkar.. Það verður fínt og mikil tilhlökkun í gangi fyrir þá ferð. Förum í hana í lok mars.

Styttist í afmælið mitt,  veit ekkert hvað ég ætla að gera, hugmyndir eru vel þegnar, mega vera af alls kyns toga. Held ég muni nú samt bara eyða honum með Aroni Bjarka ofursnillingi :) 

held ég sé að fá eyrnabólgu eða einhvern fjandann... böggandi

já það verða mörg átökin í ár .. Er með nokkur í sigtinu sem ég ætla að fylgja fast á eftir og gera mitt besta í því að ná sem besta árangri í þeim öllum. Líkamlegt átak er alltaf sem flest allir setja kross við.. Feitur kross fer á það:) Hitt hef ég bara fyrir sjálfa mig, enda engin ástæða fyrir því að blasta því á netið:) Það er margt sem ég hef viljað gera síðustu ár og alltaf hugsað út í það um hver áramót að nú skyldi ég sko ætla koma öllu í verk og framkvæma það sem ég er með í huga. Núna er árið! Er ótrúlega bjartsýn fyrir þetta ár og trúi því að góðir hlutir eiga eftir að gerast í ár. Eitthvað skemmtilegt, spennandi og góðir hlutir sem munu gerast. 

En breyttir tímar hjá okkur tvíeykinu. Búin að koma okkur fyrir á góðum stað og okkur líður bara mjög vel. Skólinn að hefjast 7 janúar og er ég alveg að kafna því ég vil helst byrja núna. Var beðin að gera 2 Carmínu myndir fyrir 15 jan og ætla ég að græja þær um helgina svona áður en skólinn byrjar.. er eiginlega líka bara þekkt fyrir að vera með allt á síðustu stundu.. En eins og ég sagði áðan.. breyttir tímar! 

En ég nenni ekki að blogga í augnablikinu. Ætla rétt að hoppa upp í sófa. Búin að brasa heilmargt í dag og þrífa allt hátt og lágt og passa Júníu, og ætla rétt að knúsast í Aroni áður en ég fer í ræktina. 

Hafið það gott, og góða helgi 

En ég óska ykkur öllum gleðilegs nýs árs og takk fyrir það gamla. Hlakka til að takast á við árið 2008..

Við Aron eyddum áramótunum okkar hjá Diddu og Sæsa.. Það var æðislegt, æðislegur matur og æðislegt fólk! Takk kærlega fyrir okkur.. Komum heim eitthvað um 1 leytið og svæfði drenginn. Við vöknuðum klukkan hálf 1 í dag!! Díses.. árið byrjar vel :) hehe.. 

Elva

kyss kyss og knús

Elva 

Jólasveinninn er kominn til byggða, það voru blendnar tilfinningar hjá gullinu mínu þann dag. Ríghélt sér í mömmu sína þegar ég var að svæfa hann og bað hana vinsamlegast ekki fara frá sér og skilja sig einan eftir í herberginu sínu. hehe, algjört krútt:) Síðan þegar hann vaknaði og sá hvað "Stekkjarstaur kom fyrstur" (hann heitir það, ekki bara Stekkjastaur hehe)gaf honum í skóinn, var hann fljótur að gleyma.Nú bíður hann spenntur eftir skyrgámi því þá ætlum við útí búð og kaupa grænt skyr og gefa honum, svo hlakkar honum einnig mikið til að vakna við það þegar "Skellahurði" kemur og skellir hurðum til að vekja fólkið í gilinu góða. Hann er svo mikill snillingur. Er samt með nettar áhyggjur þar sem hann bullar oft svo mikið og ég bara get ekki haldið andlitinu og verið þessi mamma og sagt ýmislegt gáfulegt á móti. T.d kallaði hann mömmu sína feitabollu og væri með feita löpp.. Prump og kúka húmorinn er að koma sterkur inn fyrir jólin. Fjör á bænum hjá okkur um jólin, þar sem ég er að vonast til að Embla húmoristi og Lilja krúttibína verði hjá okkur á aðfangadag.. víst Didda!!!!

Jæja ég ætla að fara að sofa.. Vinna á morgun og svona, Er komin í jólafrí í skólanum, byrja aftur 7 janúar. Geðveikt! Var í prófi í morgun, bjó til skúlptúr.. fínt. Einkunnirnar mjakast hægt í hús, en allt skýrist á næstu dögum með þær. Bíð spennt.. En eins og svo oft áður, þá ætla ég að setja allt á fullt eftir áramót og vera brilliant hihi.. Við erum samt að tala um það að eftir eitt og hálft ár er ég búin með námið mitt! Fokk, Shit fokk... hólí fokk.... Veit ekkert hvað ég mun gera án allra krakkana sem eru með mér í grafík.. Þyki nógu slæmt að sjá á eftir 3 árinu .. En svona er lífið! 

Hvernig kemst ég aftur að upphafsreit?

Ég er fyrir utan hús og reyni að komast inn, en það er læst og dregið er fyrir gluggana og ég er búin að týna lyklinum. Ég man ekki hvernig herbergin líta út eða hvar ég setti lyklana. Og, ef ég voga mér inn. rata ég þá nokkurn tíman út aftur?

Jah, mar spyr sig... Stundum er ömurlegt að verða fyrir barðinu á raunveruleikanum, en er það ekki bara til þess líka oft að koma manni aftur á jörðina? Oft gleymi ég hvernig lífið er, finnst oft gott að loka á það og láta mig bara líða með tímanum. Vera með stráknum og láta okkur líða vel. Gleyma stað og stund, og gleyma hvernig raunveruleikinn er:) Held það sé líka gott af og til, áhyggjulaus og bara góð. Skiljiði eitthvað hvert ég er að fara.. er ég kannski bara eitthvað að grilla? Búin að pæla mikið í þessu síðustu daga, í öllu hreinlega, sumt er að gera útaf við mig af stressi, en næ samt alltaf einhvernveginn að setja hendina fyrir og ýta því á undan mér. En hugsa samt alltaf að allt muni reddast, trúi því og held fast í þá trú. 

Það reddast alltaf allt.. 

þetta grill blogg var í boði smettu

Eruði samt viss um að 3 desember er byrjaður, fyrsti í aðventu er búinn? Er ekki bara fólk að taka feil á dagatalinu því í rauninni er bara nóvember? Ég er hreinlega ekki að ná þessu..

Síðasta vikan í skólanum að byrja, eftir hana tekur fyrirlestrar vika.. semsagt, ég mun lifa á kaffi þarnæstu viku og örvandi efnum til að halda mér vakandi þegar fyrirlestrarnir eru. Eg er alveg hræðileg í að halda mér vakandi yfir svona. Í rauninni má líkja mér og fyrirlestrum saman við það þegar konur eru að reyna að láta karlmennina hlusta á vælið í þem sem enginn nennir að pæla í. Næ alveg að detta út. Reyndar er margt sem er áhugavert og lærdómsríkt sem vert er að hlusta á, og að dotta yfir fyrirlestrum er ókurteisi. 

En, góðar fréttir. Ég er loksins flutt! Jáhh, mikið var... en nei nei, ég er víst ekki flutt í mína eigin íbúð enn.. Var bara að klára að flytja frá "gamla" heimilinu. Loksins komin með allt mitt hafurtask undir sama þak, og ferlega gaman að hitta allt gamla dótið mitt, gefa því smá klapp á bakið og telja því trú um að ekki líður á löngu þar til við verðum sameinuð á ný, í kósí íbúð einhversstaðar þar sem leigan er upp úr öllu valdi. Vangefið verðið á leigumarkaðnum í dag...  Allt orðið svo dýrt eitthvað.. Meira að segja er bollinn minn á Te&Kaffi búinn að hækka upp í 390kr.. já, svona 40 krónur sopinn.. Eins gott að þetta verði þá líka almennilegur bolli, hehe. Þetta er ekkert það dýrt ef maður fær sér þetta annaðslagið. En þegar maður er jafn vitlaus og ég og telji sér um trú að þetta er virkilega eitthvað sem er að koma mér í gang fyrir daginn.. þá er þetta býsna dýrt þegar maður fær yfirlitið sent heim frá bankanum um hversu ógeðis eyðsla sé á manni í hverjum mánuði í ekki neitt. Já, gott að geta verið vitur eftir á. Verst að maður er gjarn á að detta alltaf í sama farið. En... 

Þessi vika verður held ég með frekar rólegu móti. Ætla að vona að snjórinn haldist alveg fram að 1 janúar. Má ekki arða bráðna þangað til. Er svo gaman að drattast með strákinn á snjóþotu og draga hann út um allar trissur og renna með honum niður brekkur. Var reyndar næstum því búinn að renna eina ferð áðan í brekku, var reyndar á bílnum mínum, og ef ég hefði bakkað 30 cm lengra hefði ég runnið niður smá spotta og beint á leikvöllinn fyrir neðan didduhús. Sem betur fer var klukkan bara 22:00 og enginn úti. En það var bara svo mikill snjór úti og erfitt að snúa við að ég hreinlega bara áttaði mig ekki á því hvar ég var stödd hehe.. Skoppaði bara upp og lét Sævar ýta bílnum áfram, gott að eiga svona léttan bíl sem þarf bara smá ýt og þá kemst ég áfram. Að sjálfsögðu var myndasjúka systir í glugganum að taka myndir af herlegheitunum. Flassið blindaði mig eins og lögguljós, og sá ég bláa punkta lengi á eftir. 

en ritstíflan var víst ekki meiri en þetta.. hef ekki skrifað svona mikið í langan tíma... 

Góða nótt